आणि असंच आठ-दहा जण शिष्य पुढे पुढे जात जात असताना वाटेत एक नदी येते आणि ती नदी होडीतून पार करायची असते.
होडीतून पलीकडे जाताना एक महिला त्या होडीत बसण्याचा प्रयत्न करत असते परंतु तिला होडीत बसायला जमत नसल्यामुळे एक शिष्य हात देतो आणि त्याच्या हाताला धरून ती महिला होडीत बसते. होडी नदीच्या पार जाते.
हे गुरु शिष्य पुढच्या प्रवासाला निघतात. जाताना वाटेत एक शिष्य गुरूंच्या जवळ जाऊन कानात कुजबुजू लागतो -
गुरुदेव आपण सर्वांना सांगितले आहेत की परस्त्रीला स्पर्श करू नये. परंतु आपल्या ' या ' शिष्याने होडीत स्त्रीच्या हातात हात दिला. त्याने नियम मोडला. त्याला प्रायश्चित घ्यावे लागेल अन्यथा पाप लागेल.
गुरुदेव उत्तरले - अरे मुर्खा! त्याने धरलेला हात होडीतच सोडून दिला, पण तू तुझ्या मेंदूत तो हात घेऊन इथपर्यंत आला आहेस.!
